កម្លាំងប៉ុស្តិ៍រដ្ឋបាលភ្នំពេញថ្មី បានឃាត់ខ្លួនជនសង្ស័យចំនួន០២នាក់ ករណីប្រើប្រាស់ខុសច្បាប់នូវសារធាតុញៀន
10-August-2018 | ដោយ ពលមនសិការ
ភ្នំពេញ៖ នៅថ្ងៃទី០៩ ខែសីហា ឆ្នាំ២០១៨ វេលាម៉ោង២៣ និង០៤នាទី កម្លាំងប៉ុស្តិ៍រដ្ឋបាលភ្នំពេញថ្មី បានឃាត់ខ្លួនជនសង្ស័យចំនួន០២នាក់ ករណីប្រើប្រាស់ខុសច្បាប់នូវសារធាតុញៀន នៅចំណុចតាមផ្លូ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។
លោកវរសេនីយ៍ឯក ហ៊ួរ ម៉េងវ៉ាង អធិការនគរបាលខណ្ឌសែនសុខបានឲ្យដឹងថាជនសង្ស័យទី១-ឈ្មោះ ហង្ស តុលា ភេទប្រុស អាយុ១៩ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅបន្ទប់ជួល ផ្លូវវេងស្រេង សង្កាត់ចោមចៅ ខណ្ឌពោធិសែនជ័យ, ទី២-ឈ្មោះ ស៊ឹម ជ្រុយ ភេទប្រុស អាយុ១៩ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅបន្ទប់ជួល ផ្លូវវេងស្រេង សង្កាត់ចោមចៅ ខណ្ឌពោធិសែនជ័យ ។
វត្ថុតាងចាប់យក ៖ ក្រាមសថ្លាចំនួន០១កូនថង់តូច និងម៉ូតូចំនួន០១គ្រឿង ម៉ាកសេ១១០ ផលិតឆ្នាំ២០១២ ពាក់ស្លាកលេខព្រះស៊ីហនុ 1E-6850 ។
លោកអធិការបន្តថា មុនពេលកើតហេតុ កម្លាំងល្បាតប៉ុស្តិ៍រដ្ឋបាលភ្នំពេញថ្មី បានល្បាតក្នុងភូមិសាស្ត្រដល់ចំណុចកើតហេតុខាងលើ ឃើញជនសង្ស័យចំនួន០២នាក់ កំពុងជិះម៉ូតូ០១គ្រឿងឌុបគ្នាតាមផ្លូវ ដោយមានការសង្ស័យកម្លាំងល្បាតយើងហៅជនសង្ស័យឲ្យឈប់ត្រួតពិនិត្យលើដងខ្លួនរកឃើញក្រាមសថ្លាចំនួន០១កូនថង់តូច នៅជាប់ខ្លួនជនសង្ស័យឈ្មោះ ស៊ឹម ជ្រុយ រួចកម្លាំងយើងបាននាំខ្លួនជនសង្ស័យ រួមទាំងវត្ថុតាង យកមកធ្វើការសាកសួរ នៅអធិការដ្ឋាននគរបាលខណ្ឌសែនសុខ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋានគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ5681
- ម្សិលមិញ16391
- សប្តាហ៍នេះ51911
- ខែនេះ167061
- ឆ្នាំនេះ167061
- សរុប20609517